مکہ مکرمہ(این این آئی)سعودی عرب کی وزارت اسلامی امور، دعوت و رہنمائی حج، عمرہ اور زیارت کے لئے خادم حرمین شریفین کے مہمانوں کے پروگرام کے حصے کے طور پر مہمانوں کا استقبال جاری ہے۔ غیرملکی خبررساں ادارے کے مطابق وزارت کی جانب سے یہ اقدام 88 ممالک کے 2,322 مرد و خواتین عازمین حج کی میزبانی کے شاہی حکم نامے کے مطابق کیا گیا ہے۔ اس پروگرام میں 47 ممالک کے 460 عازمین حج کو خوش آمدید کہا گیا جس کے بعد 51 ممالک کے 494 عازمین نے حج کی سعادت حاصل کی۔یہ مہمان وزارت کی جانب سے فراہم کردہ خدمات کے ایک جامع نظام سے مستفید ہوتے ہیں تاکہ یہ یقینی بنایا جاسکے کہ وہ آسانی سے مناسک حج ادا کرسکیں۔وزارت کا مقصد اعتدال پسند اسلامی بیداری کی باوقار تصویر کی عکاسی کرنا، دونوں مقدس مساجد اور ان کے حج و عمرہ زائرین کی خدمت میں دانشمند قیادت کی کوششوں کو اجاگر کرنا اور سہولت کے لئے ہر ممکن ذرائع کو بروئے کار لانا ہے۔
