لاہور(این این آئی)بانی پی ٹی آئی کی ہمشیرہ علیمہ خان کا کہنا ہے کہ عدت کا کوئی کیس نہیں ہے، اس کا مقصد بھائی کو اندر رکھنا ہے۔یہ بات انہوں نے لاہور کی انسدادِ دہشت گردی کی عدالت میں پیشی کے موقع پر کہی۔بانی پی ٹی آئی کی بہنیں عظمیٰ خان اور علیمہ خان عبوری ضمانت کی میعاد ختم ہونے پر انسدادِ دہشت گردی کی عدالت میں پیش ہوئیں۔اس موقع پر مسرت چیمہ بھی عدالت میں پیش ہوئیں۔بانی پی ٹی آئی کی ہمشیرہ علیمہ خان نے انسدادِ دہشت گردی کی عدالت کے باہر میڈیا سے گفتگو میں کہا کہ ضمانت کیلئے آ رہے ہیں، تفتیشی افیسر پیش نہیں ہوتا، ہمیں انصاف نہیں مل رہا۔ان کا یہ بھی کہنا ہے کہ ہم نے عدالت سے استدعا کی ہے کہ اس کے لیے کوئی سزا مقرر کریں۔
