راولپنڈی (این این آئی)اڈیالہ جیل میں سابق وزیر اعظم عمران خان اور ان کی اہلیہ بشریٰ بی بی کے خلاف 190 ملین پائونڈ ریفرنس کی سماعت کے دوران سابق وزیر دفاع پرویز خٹک کا بیان قلمبند کرلیا گیا۔ریفرنس کی سماعت احتساب عدالت کے جج محمد علی وڑائچ نے کی، سابق وزیر اعظم کے پرنسپل سیکریٹری اعظم خان اور سابق وزیر زبیدہ جلال عدالت میں پیش نہ ہوئیں، بشریٰ بی بی اور عمران خان کو جیل سے کمرہ عدالت میں پیش کیا گیا، ملزمان کی جانب سے وکلا عثمان ریاض گل اور چوہدری ظہیر عباس عدالت کے روبرو پیش ہوئے جبکہ نیب کی جانب سے امجد پرویز، سردار مظفر عباسی لیگل ٹیم کے ہمراہ پیش ہوئے۔سابق وفاقی وزیر دفاع پرویز خٹک پرویز خٹک کے بیان کے دوران عمران خان روسٹم پر آگئے، پرویز خٹک کے بیان کے دوران عمران خان مسکراتے رہے۔پرویز خٹک کے بیان کے دوران سابق وزیر اعظم نے کہا کہ اب تو نواز شریف کے فلیٹ بھی پاکستان واپس آنے چاہئیں۔بعد ازاں پرویز خٹک اپنا بیان 15 منٹ میں ریکارڈ کرو کر واپس چلے گئے، بنی گالا اسلام آباد کے پٹواری عباس گوارایا پر جرح بھی مکمل کرلی گئی۔اسی کے ساتھ عدالت نے ریفرنس کی سماعت 13جولائی تک ملتوی کر دی۔واضح رہے کہ ریفرنس میں مجموعی طور پر 31 گواہان کے بیانات ریکارڈ ہوگئے ہیں جبکہ 30 پر جرح مکمل کرلی گئی ہے
مقبول خبریں
کشمیری حق خودارادیت کیلئے ہر طرح کی قربانی دینے کو تیار ہیں،صدرآزادجموں وکشمیر
مظفرآباد(این این آئی)صدرآزادجموں وکشمیر بیرسٹرسلطان محمودچوہدری نے کہا ہے کہ آزادجموں وکشمیر کے عوام 77سال سے آزادی کی خوشی منارہے ہیں لیکن یہ...
امریکا یوکرین کو 20 ارب ڈالرز قرض دینے پر رضا مند
واشنگٹن (این این آئی)امریکا یوکرین کو 20 ارب ڈالرز قرض دینے پر رضا مند ہو گیا۔امریکی میڈیا کے مطابق یوکرین کو رقم روسی فیڈریشن...
حزب اللہ کا70اسرائیلی فوجیوں کو ہلاک کرنے کا دعوی
بیروت(این این آئی)حزب اللہ نے ایک ہفتے کے دوران 70 اسرائیلی فوجیوں کو ہلاک کرنے کا دعوی کیا ہے۔غیرملکی میڈیا کے مطابق حزب اللہ...
اوباما ایک احمق آدمی ہیں، وہ ملک کو تقسیم کرنا چاہتے ہیں، ٹرمپ
واشنگٹن (این این آئی) سابق امریکی صدر ڈونلڈ ٹرمپ نے سابق صدر براک اوباما پر کڑی تنقید کی ہے۔ ٹرمپ کی یہ تنقید ایک...
غزہ میں پولیو کے قطرے پلانے کی مہم رک گئی، عالمی ادارہ صحت
نیویارک(این این آئی)عالمی ادار صحت (ڈبلیو ایچ او)نے کہا ہے کہ شمال میں شدید بمباری اور بڑھتے ہوئے تشدد کی وجہ سے وہ بدھ...