راولپنڈی (این این آئی)آرمی چیف جنرل قمر جاوید باجوہ سے چینی سفیر نونگ رونگ نے ملاقات کی جس میں باہمی دلچسپی کے امور، علاقائی سیکیورٹی صورتحال پر تبادلہ خیال کیا گیا،آئی ایس پی آر کے مطابق ملاقات میں سی پیک کے حوالے سے بھی امور زیر غور آے۔ آرمی چیف جنرل قمر جاوید باجو نے کہاکہ چینی وزیر براے دفاع کا حالیہ دورہ پاکستان دونوں ممالک کے تعلقات میں مزید بہتری لانے کا سبب بنے گا۔ آئی ایس پی آر کے مطابق چینی سفیر نے علاقائی امن و استحکام کے لئے پاکستان کے کردار کو سراہا۔
