لاہور ( این این آئی) دنیا بھر کی طرح پاکستان میں بھی مسیحی برادری نے 25دسمبر کوکرسمس کا تہوار انتہائی جوش و خروش مذہبی تزک و احتشام اور روایتی جذبہ کے ساتھ منایا ۔کرسمس کی مناسبت سے گرجا گھروں میںخصوصی عبادات اور دعائیہ تقریبات کا انعقاد کیا گیاجہاں مسیحی برادری کے افراد نے اپنی مذہبی تقریبات کی ادائیگی اور عبادات کیںجبکہ اس موقع پر ملکی ترقی ، قیام امن اور سلامتی و خوشحالی کی خصوصی دعائیں مانگی گئیں۔کرسمس کے مسرت موقع پر سانتا کلاز کے روپ میں ایک شخص نے بچوں میں کھلونے اور دیگر تحائف کئے ۔کرسمس کے موقع پر لاہور سمیت صوبہ بھر میں سکیورٹی کے انتہائی سخت انتظامات کئے گئے ۔ عبادتگاہوں میں آنے والے مسیحیوں کو جامع تلاشی کے بعد اندر داخل ہونے کی اجازت ہو گی ۔پولیس کی طرف سے مسیحی عبادتگاہوں کی طرف آنے والے راستوں کی ناکہ بندی کی گئی جبکہ عبادتگاہوں کے اندر اور چھتوں پر بھی سکیورٹی تعینات رہی ۔پولیس افسران سکیورٹی انتظامات چیک کرنے کے لئے مسیحی عبادتگاہوںکے اطراف میں پیٹرولنگ کرتے رہے۔
