اسلام آباد (این این آئی) اسلام آباد ہائی کورٹ نے نندی پور پاور ریفرنس میں مشیر وزیراعظم بابر اعوان کی بریت کا فیصلہ درست قرار دیدیا ۔ اسلام آباد ہائی کورٹ کے چیف جسٹس اطہر من اللہ کی سربراہی میں دورکنی بنچ نے محفوظ فیصلہ سنادیا۔نندی پور پاور ریفرنس میں جسٹس ریٹائرڈ ریاض کیانی کی بریت کا فیصلہ درست قرار دیدیا گیا ،اسلام آباد ہائی کورٹ نے نیب کی احتساب عدالت کے فیصلے کے خلاف اپیلیں مسترد کردی ،عدالت نے سابق سیکریٹری قانون مسعود چشتی کو بھی نندی پور ریفرنس میں بری کرنے کا حکم دیدیا ،احتساب عدالت نے مسعود چشتی کی بریت مسترد کرنے کا فیصلہ کالعدم قرار دیدیا ۔
