اسلام آباد(این این آئی) قومی اسمبلی میں شاہد خاقان عباسی نے کہاکہ قومی اسمبلی کے اجلاس بعد جو آرڈیننس جاری کیئے گئے وہ پیش نہیں کئے گئے،قانون کے مطابق اجلاس کے پہلے دن جاری کئے گئے آرڈیننس ایوان میں پیش کرنا ضروری ہیں۔ اس پر بابر اعوان نے کہاکہ میں شاہد خاقان عباسی کی بات سے اتفاق کرتا ہوں،موجودہ اجلاس اپوزیشن کی ریکیوزیشن پر بلایا گیا ہے۔ شاہد خاقان عباسی نے کہاکہ اجلاس شروع ہوچکا ہے،اس لیئے اسپیکر اس بارے میں رولنگ دیں۔ اسپیکر نے کہاکہ جو آرڈیننس جاری ہوئے ہیں پیر کو پیش کیئے جائیں۔ بابر اعوان نے کہاکہ اسپیکر صاحب آپ رول کے حساب سے ایوان چلاتے ہیں،اسپیکر صاحب، آپ کی رولنگ کا احترام کیا جائے گا۔
