اسلام آباد(این این آئی) جمعیت علمائے اسلام (ف) کے سیکرٹری جنرل سینیٹر مولانا عبد الغفور حیدری نے کہاہے کہ منی بجٹ کی صورت میں عوام کو ساڑھے تین سو ارب کا ٹیکہ لگایا گیا،،عمران خان نے آئی ایم ایف جانے کی بجائے خود کشی کرلینے کا کہا تھا ، عمران خان اپنا وعدہ پورا کریں ،مولانا فضل الرحمن کی قیادت میں پانچ فروری کو ہکلہ سے ڈیرہ اسماعیل خان تک موٹروے پر ریلی ہوگی، اسلام آباد میں سی ڈی اے مدرسہ گرانے آیا تو ہم مزاحمت کریں گے۔میڈیا سے گفتگو کرتے ہوئے انہوںنے کہاکہ منی بجٹ کی صورت میں عوام کو ساڑھے تین سو ارب کا ٹیکہ لگایا گیا،عوام پر مہنگائی کا ڈرون گرادیا گیا ہے،عوام خود کشیوں پر اتر چکے ہیں ،حکمرانوں نے مزید موقع فراہم کیا کہ عوام مزید خود کشیاں کریں۔ انہوںنے کہاکہ عمران خان ریاست مدینہ کا دعوے دار بنتا ہے ،عمران خان نے کہا تھا آئی ایم ایف کے پاس نہیں جائیں گے ،عمران خان نے آئی ایم ایف جانے کی بجائے خود کشی کرلینے کا کہا تھا ،اب عمران خان اپنا وعدہ پورا کریں ،اب آئی ایم ایف جو فیصلے سنائے گا انہیں عمل کرنا ہے ،پی ڈی ایم نے مہنگائی کے خلاف تیئس مارچ کو لانگ مارچ کا فیصلہ کیا ہے ۔ انہوںنے کہاکہ چاروں صوبوں میں مارچ کی تیاریاں شروع ہوچکی ہیں،یہ مارچ حکومت کے تابوت میں آخری کیل ثابت ہوگا ،اس حکومت نے سی پیک کو برباد کردیا گیا ہے ،مولانا فضل الرحمن کی قیادت میں پانچ فروری کو ہکلہ سے ڈیرہ اسماعیل خان تک موٹروے پر ریلی ہوگی۔ انہوںنے کہاکہ مسجد کے ساتھ مدرسہ کو سی ڈی اے نے گرانے کا نوٹس دیا ہے ،سی ڈی اے کی شہادت میں ہاتھ نہ ڈالیں۔ انہوںنے کہاکہ لال مسجد و کراچی کی مدینہ مسجد آپ کے سامنے ہے ،سی ڈی اے مدرسہ گرانے آیا تو ہم مزاحمت کریں گے۔
مقبول خبریں
پاکستان اور امریکہ کے درمیان زراعت کے شعبے میں دیرینہ تعلقات ہیں،دونوں ممالک کی...
لاس اینجلس/کیلیفورنیا(این این آئی)امریکہ میں پاکستانی سفیر مسعود خان نے کہا ہے کہ پاکستان زراعت کے شعبے کو جدید خطوط پر استوار کرنے ،...
پاکستان حج اینڈ عمرہ ایگزیبیشن 2024 پہلی اور منفرد حج و عمرہ نمائش اور...
اسلام آباد (این این آئی)پاکستان حج اینڈ عمرہ ایگزیبیشن 2024 پہلی اور منفرد حج و عمرہ نمائش اور ٹریننگ کا انعقاد فیصل مسجد...
پارکس اینڈ ہارٹیکلچر اتھارٹی راولپنڈی کے زیر انتظام جشن بہاراں میلہ دس مئی سے...
راولپنڈی(این این آئی) پارکس اینڈ ہارٹیکلچر اتھارٹی راولپنڈی کے زیر انتظام علامہ اقبال پارک مری روڈ میں جشن بہاراں میلہ2024 ،10 مئی سے شروع...
ویٹرنری انسٹی ٹیوٹس کے مسائل سے آگاہ ،درپیش مسائل کو ترجیحی بنیادوں پر حل...
اسلام آباد (این این آئی) وفاقی وزیر احسن اقبال نے کہا ہے کہ وہ ویٹرنری انسٹی ٹیوٹس کے مسائل سے آگاہ ہیں،درپیش مسائل کو...
نیو گوادر انٹرنیشنل ایئرپورٹ کے جدید رہائشی کمپلیکس کی تعمیر مکمل
گوادر(این این آئی)نیو گوادر انٹرنیشنل ایئرپورٹ کی فنشنگ کا کام تیزی سے جاری ہے،چائنہ ایئر پورٹ کنسٹرکشن کمپنی(سی اے سی سی)نے ماڈرن...