یاسین ملک کی اہلیہ مشعال ملک نے وکلاء برادری سے مقدمہ کشمیر عالمی عدالت میں لڑنے کا مطالبہ

0
98

اسلام آباد (این این آئی)حریت رہنماء یاسین ملک کی اہلیہ مشعال ملک نے وکلاء برادری سے مقدمہ کشمیر عالمی عدالت میں لڑنے کا مطالبہ کرتے ہوئے کہاہے کہ انسانیت کوماننے والا کشمیرکیساتھ کھڑا ہوگا،بھارت میں اسرائیل کی طرزپالیسیاں بنا جارہی ہیں، یوکرین کے دکھ کو محسوس کرنے والے کشمیرپرکیوں بات نہیں کرتے۔اسلام آباد بارایسویشن کی تقریب سے مشعال ملک نے شرکت کی ۔ اپنے خطاب میں انہوںنے کہاکہ بھارت 75 سالوں سے کشمیریوں کے حقوق سلب کیے ہوئے ہے بھارت نے قانون سازی کے ذریعے کشمیریوں کومہاجر بنا دیا مقبوضہ کشمیرمیں حکم جاری ہوا گھر پربھارتی جھنڈا نہ لہرا توگھر مسمارکردیا جائے گا اورافراد کو جیلوں میں ڈالا دیا جائے گا ،بھارت میں آرایس ایس برسراقتدار ہے،مقبوضہ کشمیر میں پانی پرقبضہ کیا جارہا ہاوسنگ سوسائٹیاں اورسیون سٹارہوٹل تعمیرکیے جارہے ۔انہوں نے کہاکہ کشمیری شہداء کی لاشوں کی بے حرمتی کی جاتی ہے دنیا کے سامنے بہت تھوڑے حقائق آرہے کشمیریوں کی نسل کشی کے خلاف تمام وکلا برداری مقدمہ کشمیر عالمی عدالت میں لیکر جائیں۔