اسلام آباد (این این آئی)وفاقی وزارت برائے آبی وسائل شیری رحمن نے کہاہے کہ ہمارے سسٹم میں پانی کم ہو گیا ہے، وزارت ماحولیاتی پانی کی قلت کے حوالے سے (کل) منگل کو کابینہ کو بریف کریگی ۔وفاقی وزیر برائے ماحولیاتی تبدیلی سینیٹر شیری رحمان نے تقریب سے خطاب کرتے ہوئے کہاکہ ہمارے سسٹم میں پانی کم ہو گیا ہے، وزارت ماحولیاتی پانی کی قلت کے حوالے سے کل کابینہ کو بریف کرنے جا رہی ہے۔ وفاقی وزیر نے کہاکہ دنیا میں بڑے ڈیمز کا رجحان کم اور چھوٹے ڈیمز کی تعمیر کا رجحان بڑھ رہا ہے، بڑے ڈیمز کی تعمیر کے لئے بڑی تعداد میں فنڈز درکار ہوتے ہیں۔ انہوںنے کہاکہ بھارت میں بڑے ڈیمز کے خلاف لوگ احتجاج کرتے ہیں، ہمیں اپنے وسائل کو مد نظر رکھتے ہوئے چھوٹے ڈیمز بنانے چاہیے ۔ انہوںنے کہاکہ ہمیں اپنی منصوبوں کی ترجیحات تبدیل کرنی ہوگی، ہمارے ڈیمز کے منصوبے 10 سے 15 سال تک مکمل نہیں ہوتے۔ انہوںنے کہاکہ ہمارے پاس بڑے ڈیمز بنانے کے لئے نا وسائل ہیں نا ہی وقت۔ انہوںنے کہاکہ پاکستان 2025 تک خشک سالی کا شکار ہو جائے گا، ہمیں بروقت اقدامات لینے کی ضرورت ہے۔
