شہباز شریف اور حمزہ شہباز کی پیرول پر رہائی کے مطالبے کی قرارداد اسمبلی سیکرٹریٹ میں جمع

0
51

لاہور(این این آئی )مسلم لیگ (ن) کے صدر شہباز شریف اور قائد حزب اختلاف حمزہ شہباز کی پیرول پر رہائی کے مطالبے کی قرارداد پنجاب اسمبلی سیکرٹریٹ میں جمع کرا دی گئی۔مسلم لیگ (ن) کی رکن پنجاب اسمبلی ربعیہ نصرت کی جانب سے جمع کرائی گئی قراردادکے متن میں کہا گیا ہے کہ محترمہ بیگم شمیم اختر کی وفات پر انتہائی دکھ اور افسوس کا ہے، اللہ تعالیٰ شریف فیملی کو یہ صدمہ برداشت کرنے کی ہمت عطا فرمائے۔ دکھ کی اس گھڑی میں شہباز شریف اور حمزہ شہباز جیل میں ہیں، حکومت سے مطالبہ ہے کہ مشکل کی اس گھڑی میں انسانی ہمدردی کی بنیاد پر شہباز شریف اور حمزہ شہباز شریف کو پیرول پر رہا کیا جائے۔