اسلام آباد (این این آئی)سپریم کورٹ نے گن اینڈ کنٹری کلب کیس میں عبوری انتظامیہ کو تین ماہ میں کلب کا قانون بزنس اسٹریکچر بنانے کا حکم دے دیا۔ منگل کوجسٹس عمر عطا بندیال کی سربراہی میں تین رکنی بینچ نے سماعت کی۔جسٹس عمر عطاء بندیال نے کہاکہ گن اینڈ کنٹری کلب چلے گا تو ممبران کا فائدہ ہو گا،دیکھیں گے عبوری انتظامیہ کلب کو کیسے چلاتی ہے۔جسٹس عمر عطا بندیال نے کہاکہ کلب کا مستقل اسٹریکچر بننے تک معاملہ زیر اتواء رہے گا ۔ وکیل نعیم بخاری نے کہاکہ کلب میں 33 کروڑ روپے جمع کیے،خاتون منسٹر کلب کی صدر بننا چاہتی ہے ۔ جسٹس عمر عطاء بندیال نے کہاکہ بخاری صاحب کے دور میں کلب کی مالی حیثیت منفی سے مثبت ہو گئی،کلب کی آئندہ انتظامیہ بھی اسکی امین ہونی چاہیے،یہ اسپرٹ ہو گا تو ککب قائم رہے گا۔ عدالت عظمیٰ نے کیس کی سماعت 3 ماہ کے لیے ملتوی کر دی ۔
