صنعاء (این این آئی )یمن کی آئینی فوج نے عرب اتحادی فوج اور مزاحمتی ملیشیا کی مدد سے شمال مشرقی گورنری الجوف میں واقع تزویراتی اہمیت کے حامل الخںجر فوجی کیمپ سے حوثی باغیوں سے آزاد کرالیا۔ فوج کی طرف سے اس آپریشن کی جاری کردہ ویڈیو میں حوثی باغیوں کو کیمپ سے فرار ہوتے دیکھا جا سکتا ہے۔عرب ٹی وی کے مطابق المحیطہ کے مقام پر واقع الخںجر کیمپ میں کارروائی کے دوران بڑی تعداد میں اسلحہ اور گولہ بارود قبضے میں لے لیا گیا ۔ آپریشن میں22 حوثی باغی ہلاک اوردرجنوں زخمی ہوئے جب کہ درجنوں جنگجو فرار ہوگئے۔الجوف کے خنجر کیمپ پر گذشتہ منگل کے روز یمنی فوج نے قبضہ کیا۔ اس کے بعد کیمپ کے اطراف کے علاقوں میں بھی پہاڑی علاقوںکو باغیوں سے آزاد کروا لیا گیا ہے
