اسلام آباد (این این آئی)پاکستان مسلم لیگ (ن )کے رہنما رانا ثناء اللہ نے کہاہے کہ کوئی جتنا یقین دہانی دلاتا ہے وہ اتنا ہی اندر سے کمزور ہوتا ہے۔سینیٹ الیکشن سے متعلق میڈیا سے گفتگو کے دوران کہا ہے کہ کوئی جتنا یقین دہانی دلاتا ہے وہ اتنا ہی اندر سے کمزور ہوتا ہے۔رانا ثنا اللہ نے کہا کہ پاکستان تحریک انصاف اندر سے کھوکھلی ہے، ان کو اپنا یقین نہیں تبھی یہ ہوا میں باتیں کر رہے ہیں۔اْن کا سابق وزیر اعظم یوسف رضا گیلانی سے متعلق بات کرتے ہوئے کہنا تھا کہ یوسف رضا گیلانی نے بہت محنت کی ہے۔انہوں نے کہا کہ پاکستان مسلم لیگ ن لیگ کے اراکین کی میٹنگ میں ایک ایک ووٹ کو دیکھا ہے، رانا ثنا اللّٰہ نے کہا کہ پی ٹی آئی کے لوگوں کا حال اس ویڈیو میں بھی دیکھا جا سکتا ہے، لوگوں نے تو پھر کوئی راستہ نکالنا ہے۔اْن کا کہنا تھا کہ ہم نیصرف ووٹ دینے کا طریقہ سمجھایا، اس میں دھاندلی کہاں سے آ گئی۔
