اسلام آباد (این این آئی)پاکستان مسلم لیگ (ن )کے رہنما احسن اقبال نے کہا ہے کہ سینیٹ کے چیئرمین اور ڈپٹی چیئرمین کے الیکشن میں ووٹ مسترد کرکے دن دہاڑے ڈاکہ ڈالا گیا ہے۔ ایک انٹرویومیں مسلم لیگ (ن )کے رہنما احسن اقبال نے کہا کہ چیئرمین سینیٹ کیلئے پی ڈی ایم کے مشترکہ امیدوار یوسف رضا گیلانی کامیاب ہوجاتے تو شبہ نہیں تھا کہ عبدالغفور بھی کامیاب ہوجاتے۔احسن اقبال نے کہا کہ چیئرمین سینیٹ کے لیے اپوزیشن نے متحد ہو کر ووٹ دیا۔انہوں نے کہا کہ اپوزیشن کے سینیٹرز میں کسی قسم کی بد اعتمادی نہیں ہے۔
