سرینگر (این این آئی)غیر قانونی طور پر بھارت کے زیر قبضہ جموں و کشمیرمیں حریت رہنمائوں اور تنظیموں کی طرف سے یوم پاکستان کے موقع پر پاکستان کی حکومت اور عوام کو مبارکباد دینے کا سلسلہ جاری ہے۔ کشمیرمیڈیا سروس کے مطابق کل جماعتی حریت کانفرنس کے سیکرٹری جنرل اور جموں وکشمیر ماس مومنٹ کے چیئرمین مولوی بشیر احمد عرفانی نے یوم پاکستان کے موقع پر پاکستانی عوام، سیاسی قیادت اور پاک فوج کو مبارکبادپیش کرتے ہوئے کہاہے کہ اہل کشمیر کا پاکستان کے ساتھ ایک نظریاتی ،روحانی اورجذباتی رشتہ ہے۔ انہوں نے سرینگر میں جاری ایک بیان میں کہا کہ پاکستان کے ساتھ کشمیریوں کی والہانہ محبت اور عقیدت کا یہ واضح ثبوت ہے کہ کشمیری لوگ گولیوں کی بوچھاڑ میں بھی پاکستان کا پرچم لہراتے ہیں اوریہ دن مناتے ہیں۔کشمیریوں کو پاکستان سے محبت اور عقیدت کی سزا دی جارہی ہے اوراب تک ایک لاکھ سے زائد کشمیریوں نے اپنی جانوں کا نذرانہ پیش کیاہے اور یہ سلسلہ مقصد کے حصول تک جاری رہے گا۔ انہوں نے کہاکہ پاکستان ایک نظریاتی ریاست کی حیثیت سے پوری امت مسلمہ کیلئے ایک قائدانہ کردار کی حامل مملکت ہے جو جنوبی ایشیا کے مسلمانوں کے لیے خاص طور پر ایک مضبوط قلعے کی حیثیت رکھتی ہے۔انہوں نے دعا کی کہ اللہ تعالیٰ کشمیری عوام کو بھارت کے جابرانہ تسلط سے نجات عطا فرمائے تاکہ وہ بھی یہ دن اسی جوش و جذبے اور عقیدت کے ساتھ منا سکیں جس طرح آج پاکستان اور آزاد جموںوکشمیر کے عوام مناتے ہیں۔ مسلم خواتین مرکز کی چیئرسن یاسمین راجہ نے سرینگر میں جاری ایک بیان میں پاکستانی عوام کو مبارکباد دیتے ہوئے پاکستان کے استحکام اور خوشحالی کے لئے دعا کی۔انہوں نے کہا کہ پاکستان حق خودارادیت کے کشمیریوں کے مطالبے کاحقیقی وکیل ہے۔جموں و کشمیر مسلم لیگ نے عبدالاحد پرہ کی زیر صدارت ایک اجلاس میں قرارداد پاکستان کی روشنی میں کشمیریوں کی جدوجہدآزادی کے مختلف پہلوؤں پر تبادلہ خیال کیا۔ اجلاس میں کہا گیا ہے کہ پاکستان پوری مسلم امت کے لئے ایک عظیم اثاثہ ہے۔ انٹرنیشنل فورم فار جسٹس اینڈ ہیومن رائٹس کے چیئرمین محمد احسن انتونے کہا کہ کشمیری پاکستانیوں کی طرح یوم پاکستان مناتے ہیں۔ انہوں نے کہا کہ فورم نے یہ دن منانے کے لئے کئی مباحثوں اور پروگراموں کا اہتمام کیا ہے۔ انہوں نے وزیر اعظم عمران کی کورونا وائرس سے جلد صحتیابی کی خواہش ظاہر کی
مقبول خبریں
سردار ایاز صادق کا حوالدار لالک جان شہید (نشانِ حیدر) کی برسی...
اسلام آباد (این این آئی)سپیکر قومی اسمبلی سردار ایاز صادق نے حوالدار لالک جان شہید (نشانِ حیدر) کو شاندرا الفاظ میں خراجِ عقیدت پیش...
لالک جان شہید کی قربانی آئندہ نسلوں کے لئے جرات و عزم کی روشن...
اسلام آباد (این این آئی)صدرِ مملکت آصف علی زرداری نے حوالدار لالک جان شہید (نشانِ حیدر) کو شاندار الفاظ میں خراجِ عقیدت پیش کرتے...
پاکستانی قوم اپنے شہدا کی قربانیوں کو کبھی فراموش نہیں کر سکتی، وزیرِ اعظم
اسلام آباد (این این آئی)وزیرِ اعظم محمد شہباز شریف نے حوالدار لالک جان شہید نشان حیدر کے یوم شہادت پر انہیں خراج عقیدت...
اللہ تعالیٰ کے فضل و کرم و حکومتی اقدامات سے عاشورہ محرم الحرام پر...
اسلام آبا د(این این آئی)وفاقی وزیر داخلہ محسن نقوی نے کہا ہے کہ اللہ تعالٰی کے فضل و کرم اور حکومتی اقدامات سے عاشورہ...
ایران سے تارکینِ وطن کی ڈیڈلائن سے پہلے واپسی، افغان سرحد پرایمرجنسی نافذ
نیویارک(این این آئی)اقوامِ متحدہ نے کہاہے کہ اتوار کو واپسی کی آخری تاریخ سے چند دنوں پہلے ایران سے دسیوں ہزار افغان سرحد پر...