اسلام آباد(این این آئی)چینی سفیرنونگ رونگ نے وزیربحری امور علی زیدی سے ملاقات کی جس میں بحری شعبے میں دونوں ممالک کے مابین تعاون پر تفصیلی تبادلہ خیال کیا گیا۔ دونوں عمائدین نے سی پیک کے تحت دونوں ممالک کے مابین اقتصادی تعلقات میں مزید تقویت کیلئے بلیو اکانومی کے تصور سے بھرپور فائدہ اٹھانے میں گہری دلچسپی کا اظہار کیا۔ ملاقات میں گوادر کی بندرگاہ کو مکمل طور پر فعال بنانے پر بھی مفصل گفتگو کی گئی۔ چینی سفیر نے میزبانی پر وزیربحری امور علی زیدی کا شکریہ ادا کیا۔
