لاہور(این این آئی)سینئر مرکزی رہنما جہانگیر ترین کے معاملے پر ان کے حمایتی اراکین اسمبلی ، وزراء اور مشیروں نے وزیر اعظم عمران خان کو ملاقات کے لئے درخواست بھیجنے کا فیصلہ کرلیا۔ 30 اراکین اسمبلی ، وزرا، مشیروں کے دستخط سے درخواست تیار کرلی گئی۔ درخواست پر 8 ارکان قومی اسمبلی، 2 وزرا، 4 مشیروں اور ارکان صوبائی اسمبلی کے دستخط ہیں۔ رکن قومی اسمبلی راجہ ریاض نے وزیر اعظم سے ملاقات کے لئے درخواست تیار کرنے کی تصدیق کر دی۔انہوں نے بتایا کہ ملاقات کا مقصد وزیراعظم کو حقائق سے آگاہ کرنا ہے ۔
