لاہور( این این آئی )پاکستان پیپلز پارٹی نے بجلی ،گیس اور اشیائے ضروریہ کی قیمتوں میں اضافے کیخلاف وائٹ پیپر جاری جاری کرنے کا فیصلہ کر لیا ۔ پیپلز پارٹی کے پنجاب اسمبلی میں پارلیمانی لیڈر سید حسن مرتضیٰ اوروسطی پنجاب کے ڈپٹی جنرل سیکرٹری عثمان ملک نے اپنے مشترکہ بیان میں کہا کہ وائٹ پیپر میں عوام کو عذابوں اور قطاروں میں ڈالنے والوں کو بے نقاب کریں گے ۔انہوں نے کہا کہ حکومت کے رمضان پیکجز کے باوجود مہنگائی کی شرح 19فیصد کے قریب پہنچ چکی ہے،ناہل حکمرانوں کی پالیسیوں کے باعث معیشت ہچکولے کھا رہی ہے ۔انہوں نے کہا کہ ہم پنجاب اسمبلی کے فورم سے مہنگائی کیخلاف آواز بلند کریں گے ۔انہوں نے کہا کہ پنجاب حکومت تمام تر دعوئوں کے باوجود عوام کو مہنگائی اور کرونا سے محفوظ نہیں رکھ پا رہی،حکمرانوں کی توجہ عوامی مسائل حل کرنے کی بجائے اپوزیشن جماعتوں کی قیادت کیخلاف کارروائیوں پر مرکوز ہے۔
