اسلام آباد (این این آئی)وفاقی وزیر نجکاری محمد میاں سومرو نے وزیر اعظم عمران خان، وفاقی وزیر خزانہ شوکت ترین اور وزیر اعظم کی اقتصادی ٹیم کو مبارکباد پیش کرتے ہوئے کہا ہے کہ آئندہ مالی سال کا بجٹ ہر حوالہ سے بہتر ہے ،نئے بجٹ سے ملکی معیشت میں ریکارڈ بہتری متوقع ہے۔ اپنے بیان میں محمد میاں سومرو نے کہا کہ کامیاب بجٹ پیش کرنے پر وفاقی حکومت اور وزیر خزانہ مبارکباد کے مستحق ہیں۔ وزیر نجکاری نے کہا کہ نئے بجٹ سے ملکی معیشت میں ریکارڈ بہتری متوقع ہے۔ محمد میاں سومرو نے مزید کہا کہ پیش کردہ بجٹ سے عام آدمی کے حالات بہتر ہوں گے۔ وزیر نجکاری نے کہا کہ ہر شعبہ سے وابستہ افراد پر بجٹ کے مثبت اثرات مرتب ہوں گے۔ انہوں نے کہا کہ بجٹ میں سرکاری ملازمین اور پنشنرز کا بھی مناسب خیال رکھا گیا ہے۔
