ریاض (این این آئی)سعودی عرب کی وزارتِ حج وعمرہ نے اس سال فریضہ حج ادا کرنے والے افراد کی آن لائن رجسٹریشن کا عمل ختم کرنے کا اعلان کیا ہے اور بتایا ہے کہ اس مرتبہ 558270 افراد نے حج کے لیے درخواستیں وزارت کے پورٹل پرجمع کرائی ہیں اوراب ان کی جانچ کی جائے گی۔غیرملکی خبررساں ادارے کے مطابق سعودی وزارت نے ایک بیان میں کہا کہ حج کے لیے رجسٹریشن کے دوسرے مرحلے کا آغاز جمعہ سے ہوگیا ہے۔انہوں نے بتایا کہ حج کے تمام درخواست گزاروں میں 59 فی صد مردحضرات اور 41 فی صد خواتین ہیں۔ان میں تین فی صد درخواست گزاروں کی عمریں 20 سال سے کم ہیں،26 فی صد 21 سے 30 سال کے درمیان عمر کے گروپ سے تعلق رکھتے ہیں،38 فی صد 31 سے 40 سال کی عمر کے ہیں۔وزارتِ حج وعمرہ نے آن لائن ڈیٹا کی بنیادپر بتایا کہ 20 فی صد درخواست گزار 41 سے 50 سال کی عمر کے گروپ سے تعلق رکھتے ہیں۔11 فی صد 51سے 60 سال اور صرف دوفی صد 60 سال سے زیادہ عمر کے ہیں۔وزارت حج وعمرہ نے اسی ماہ کروناوائرس کی وبا کے پیش نظراس مرتبہ بھی صرف سعودی عرب میں مقیم 60 ہزار شہریوں اور مکینوں کو حج کی اجازت دینے کا اعلان کیا تھا اور کہا تھا کہدنیا بھر کو کرونا وائرس کی وبا اور اس کی نئی شکلوں کے ظہورکے بعد جس طرح کے حالات کا سامنا ہے،اس کے پیش نظرحج کا اندراج صرف سعودی عرب میں مقیم شہریوں اور مکینوں ہی تک محدود ہوگا۔وزارت نے وضاحت کی تھی کہ 18 سے 65 سال کی عمر تک مکمل ویکسین لگوانے والے افراد یا جنھوں نے آن لائن اندراج سے کم سے کم 14 روز پہلے ویکسین کا ایک انجیکشن لگوا لیا ہے یا جو افراد ویکسین کی دونوں خوراکیں لگواچکے ہیں اور کووِڈ-19 کاشکار ہونے کے بعد تن درست ہوچکے ہیں،انھیں حج کے لیے اپنے ناموں کے اندراج کی اجازت ہوگی۔توقع ہے کہ اس مرتبہ حج سیزن کا آغاز وسط جولائی سے ہوگا۔
مقبول خبریں
کراچی میں عملے کو لے جانے والے قافلے پر حملہ کیا گیا’ چینی سفارتخانہ
اسلام آباد(این این آئی) چینی سفارتخانے نے کہا ہے کہ کراچی میں چینی عملے کو لے جانے والے قافلے پر ایئرپورٹ کے قریب حملہ...
اسلام آباد’ا ہم مقامات پر پولیس و رینجرز تاحال موجود، ریڈزون میں پاک فوج...
اسلام آباد(این این آئی) وفاقی دارالحکومت کے اہم مقامات پر پولیس اور رینجرز تاحال موجود ہیں جب کہ ریڈ زون میں پاک فوج...
آل پارٹیز کانفرنس کا انعقاد فلسطینی عوام کیساتھ ہماری مستقل حمایت کا اظہارہے، شیری...
اسلام آباد(این این آئی) نائب صدر پیپلز پارٹی سینیٹر شیری رحمان کاکہنا ہے کہ اسرائیلی حملوں کے ایک سال مکمل ہونے پر پاکستان میں...
عالمی برادری فلسطین میں دیرپا امن کیلئے سازگار ماحول کو فروغ دے ، یوسف...
اسلام آباد(این این آئی) چیئرمین سینیٹ سید یوسف رضا گیلانی نے کہا ہے کہ عالمی برادری فلسطین میں دیرپا امن کے لیے سازگار ماحول...
اسرائیلی ظلم کے شکار فلسطینیوں کی مدد جاری رکھیں گےٕ، وزیراعظم
اسلام آباد(این این آئی) وزیراعظم شہباز شریف نے کہا ہے کہ پاکستان اسرائیلی ظلم و جبر کے شکار فلسطینی بہن بھائیوں کی اخلاقی، سفارتی...