اسلام آباد (این این آئی)وفاقی وزیر اطلاعا ت و نشریات فواد چوہدری نے کہا ہے کہ ہم نے 20سال دہشتگردی کے خلاف جنگ لڑی،انفو لیب کے ذریعے پاکستان مخالف اقدامات کیے گئے،بھارت نے پاکستان مخالف پروپیگنڈے کیلئے845سے زیادہ ویب سائٹس بنائیں،عالمی میڈیا پر پاکستان مخالف بیانیہ کے ساتھ کھڑے ہونے والے ملک کے خیر خواہ نہیں،اداروں کی بنیادوں کو مضبوط بنانے کی ضرورت ہے،ماضی میں پی ٹی وی میں بائیس سو لوگ بھرتی کئے گئے ، بتیس کروڑ تنخواہیں لیتے ہیں،کام پانچ فیصد نہیں کرتے،انفارمیشن منسٹری کو سابق حکومتوں نے حکمران جماعتوں کا ترجمان بنادیا ہم نے ریاست کے ترجمان بنایا ،اگست میں پی ٹی وی مکمل ایچ ڈی ہوجائے گا،تاریخ میں صحافیوں پر سب سے زیادہ حملے پیپلزپارٹی کے دور میں ہوئے، فیک نیوز کو افغانستان سے ہوا دی جاتی ہے ،ہمارے دوست حصہ بن جاتے ہیں ،انٹرنیشنل میں ہمارے خلاف جو چھپتا ہے اس پر ہمارے مخالفین کی طرف سے پیسہ دیا جاتا ہے، وزارت اطلاعات پاکستان کے بیانیہ کو آگے بڑھائے گی،جرنلسٹ پروٹیکشن ایکٹ ہیومن رائٹس کمیٹی میں بلاول بھٹو زرداری کمیٹی میں لے کر بیٹھے ہیں ،آگے بھیجا جائے۔ پیر کو وفاقی وزیر اطلاعات و نشریات فواد چوہدری نے کٹوتی کی تحریکوں پر بحث سمیٹتے ہوئے کہاکہ ایکسٹرنل پبلسٹی ونگ کی کارکردگی پر سوالیہ نشان رہا ہے،بیس سال ہم نے دہشت گردی کے خلاف جنگ لڑی ہے،بین الاقوامی میڈیا پر ہمارا بیانیہ نہیں آتا،ہمارا ایکسٹرنل پبلسٹی ونگ کا بجٹ صرف چار کروڑ ،بھارت کا اربوں کا ہے،انفولیب پکڑی گئی جس میں پاکستان کے خلاف سینکڑوں ویب سائٹ لانچ کی گئیں،بلوچستان میں شورش کو ہوا دی گئی، ٹی ایل پی کے حق میں ٹویٹس کئے گئے،اصل لڑائی ” وار آف اوپینین” ہے۔
مقبول خبریں
اسد قیصر کی ضمانت منسوخی کی اپیل واپس لینے پر خارج
اسلام آباد(این این آئی)سپریم کورٹ نے اسد قیصر کی ضمانت منسوخی کی اپیل واپس لینے کی بنیاد پر خارج کر دی۔عدالتِ عظمیٰ میں رہنما...
سپریم کورٹ کے آئینی بینچ میں مزید 2 ججز شامل کرنے کا فیصلہ
اسلام آباد(این این آئی) سپریم کورٹ کے آئینی بینچ میں مزید 2 ججز شامل کرنے کا فیصلہ کیا گیا ہے۔ اس سلسلے میں چیف...
کراچی حیدرآباد موٹر وے نئے راستے پر بنائی جائے گی، احسن اقبال
کراچی (این این آئی)وفاقی وزیر احسن اقبال نے کہا ہے کہ حیدرآباد سکھر ہائی وے پر کام رواں سال شروع ہوگا، تین سال میں...
جنگلات اراضی کیس،سپریم کورٹ نے تمام صوبوں ، وفاقی حکومت سے تفصیلی رپورٹ طلب...
اسلام آباد(این این آئی)سپریم کورٹ نے جنگلات اراضی کیس میں تمام صوبوں اور وفاقی حکومت سے تفصیلی رپورٹس طلب کرلیں۔پیرکوسپریم کورٹ میں جنگلات اراضی...
جنہوں نے 9 مئی واقعات کیے وہ قیمت ادا کر رہے ، حکومت کمپرومائز...
لندن(این این آئی)نائب وزیراعظم اور وزیر خارجہ اسحق ڈار نے کہاہے کہ جن لوگوں نے 9 مئی کے واقعات کیے وہ اس کی قیمت...