کراچی(این این آئی)پاکستان پیپلز پارٹی کے چیئرمین بلاول بھٹو زرداری نے پیٹرول کی قیمت میں اضافے پروفاقی حکومت کو تنقیدکانشانہ بناتے ہوئے کہا ہے کہ پیٹرول کی قیمت میں اضافے کے ساتھ عوام دشمن بجٹ کا پہلا نتیجہ قوم کو موصول ہوگیا۔انہوں نے کہا کہ پیٹرول کی قیمت میں اضافے نے سلیکٹڈ وزیراعظم کے عزائم بے نقاب کردیے ہیں۔ بجلی، گیس سمیت تمام اشیائے ضروریہ مزید مہنگی ہوں گی، وزیراعظم اوگرا کی آڑ میں عوام پر وار کر رہے ہیں۔بلاول بھٹو زرداری نے کہا کہ ملک معاشی ترقی کررہا ہے تو اشیا کی قیمتوں میں اضافہ کیوں ہورہا ہے؟۔
