سی این جی کی قیمت میں 17 روپے کلو گرام کا اضافہ ظلم ہے،مرتضیٰ وہاب

0
50

کراچی (این این آئی)سندھ حکومت کے ترجمان مشیر قانون ، ماحولیات و ساحلی ترقی بیرسٹر مرتضی وہاب نے سی این جی کی قیمت میں اضافے پر رد عمل دیتے ہوئے کہا ہے کہ سی این جی کی قیمت میں 17 روپے کلو گرام کا اضافہ ظلم ہے سی این جی کا استعمال غریب اور متوسط طبقہ زیادہ کرتا ہے کراچی میں ٹرانسپورٹ کے نظام میں سی این جی بطور ایندھن زیادہ استعمال ہوتی ہے۔ مرتضی وہاب کا کہنا تھا کہ وفاقی حکومت مہنگا نہ کرنے کا اعلان کرکے اچانک نرخ بڑھا دیتی ہے اشیائے خوردونوش کی قیمتیں آسمان سے باتیں کر رہی ہیں اور اب یہ ظلم بھی کردیا ہے نااہل سلیکٹیڈ نے عوام کا جینا دوبھر کردیا ہے۔ مرتضی وہاب نے کہا کہ ملک میں صرف مہنگائی کا سونامی جوش مار رہا ہے۔سی این جی کی قیمت میں اضافہ سے عوام براہ راست متاثر ہوں گے۔