اسلام آباد (این این آئی) وزیر اعظم عمران خان نے کہاہے کہ دسمبر تک پنجاب اور گلگت بلتستان میں ہر خاندان کو کارڈ کی فراہمی یقینی بنائی جائے، عوام کو صحت کی بہترین سہولیات کی فراہمی حکومت کی اولین ترجیح ہے۔ بدھ کو وزیراعظم عمران خان کی زیر صدارت صحت سہولت کارڈ سے متعلق اجلاس ہوا جس میں وزیراعظم کے معاون خصوصی صحت، صوبائی وزرائے صحت کی شرکت،وزیراعظم کو صحت سہولت کارڈ کی فراہمی سے متعلق بریفنگ دی گئی ،پنجاب کے تمام شہریوں کو صحت کارڈ فراہم کرنے سے متعلق پیش رفت سے آگاہ کیا گیا۔ وزیر اعظم نے ہدایت کی کہ دسمبر تک پنجاب اور گلگت بلتستان میں ہر خاندان کو کارڈ کی فراہمی یقینی بنائی جائے، عوام کو صحت کی بہترین سہولیات کی فراہمی حکومت کی اولین ترجیح ہے۔
