اسلام آباد (این این آئی)پاکستان تحریک انصاف کے رہنما سینیٹر فیصل جاوید نے زیادتی کے مجرموں کو سرعام پھانسی دینے کیلئے اتفاق رائے کو ناگزیر قرار دیا ہے۔منگل کو ٹوئٹر پر اپنے بیان میں سینیٹر فیصل جاوید نے کہا کہ بچوں سے زیادتی کرنے والوں کو سرعام پھانسی پر اتفاق رائے پیدا کرنا ناگزیر ہے۔انہوں نے کہا کہ بچوں اور خواتین کے ساتھ زیادتی کرنے والے انسان نہیں وحشی درندے ہیں۔سینیٹر فیصل جاوید نے کہاکہ بچوں سے زیادتی کرنے والے درندوں کو نشان عبرت بنانا چاہیے۔انہوں نے کہا کہ قانون سازی کے ساتھ ساتھ عمل درآمد، استغاثہ اور سزائیں بہت ضروری ہیں۔
