اسلا م آباد (این این آئی)ایرانی صدر کی حلف برداری تقریب میں پاکستان کی نمائندگی چیئرمین سینیٹ محمد صادق سنجرانی کریں گے۔ترجمان دفتر خارجہ کے مطابق ایران کی جانب سے پاکستان کو نومنتخب ایرانی صدر کی تقریب حلف برادری میں شرکت کی دعوت پرچیئرمین سینٹ صادق سنجرانی تقریب میں شرکت کیلئے (آج)بدھ کو ایران روانہ ہوں گے۔نو منتخب صدر سید ابراہیم رئیسی کی تقریب حلف برداری 5 اگست 2021کو ہوگی ترجمان دفتر خارجہ زاہد حفیظ چوہدری نے کہا ہے کہ پاکستان اور ایران میں اسلامی بھائی چارے اور اعتماد کے برادرانہ تعلقات استوار ہیں، پاکستان برادرانہ ہمسایہ ملک ایران کے ساتھ اپنے تعلقات کو بے حد اہمیت دیتا ہے۔انہوں نے کہاکہ نو منتخب صدر اور ایران کے عوام کے لئے نیک تمنائوں اور خیرسگالی کے جذبات کا اظہار کرتے ہیں۔واضح رہے کہ ایران میں تیرہویں صدارتی انتخابات میں قدامت پسند امیدوار ابراہیم رئیسی کامیاب ہوئے تھے
