اسلام آباد (این این آئی) وزیر اعظم کے معاون خصوصی عثمان ڈار نے مریم نواز کی تقریر پر ردعمل کا اظہار کرتے ہوئے کہ اہے کہ اداروں کے خلاف مریم کا بیانیہ جلسوں کی طرح بری طرح ناکام ہو گیا۔ اپنے بیان میں عثمان ڈار نے کہاکہ مریم نواز نے تقریر میں دراصل اپنے خاندان کی بے روزگاری کا ذکر کیا،مریم کی تقریر کم والد کی بے روزگاری کا ماتم زیادہ تھا۔ انہوںنے کہاکہ مریم نے کہا جو بزدل ہے وہ ہٹ جائے،جو بزدل تھا وہ تو لندن بھاگ گیا، خود کو قانون سے بالاتر سمجھنے والا ٹولہ پہلی بار قانون کی گرفت میں آیا ہے۔ انہوںنے کہاکہ آپ کی مزید چیخیں نکلیں گیں کیونکہ این آر او کا ہر راستہ بند ہو چکا ہے، آخری امید پر جن کے پاس نمائندے بھیجے وہاں سے بھی انکار ہو گیا۔ انہوںنے کہاکہ بات نہ بنی تو باپ بیٹی نے 11 جماعتی اتحاد کے ساتھ مل کر زہر اگلنا شروع کر دیا،قانون کی حکمرانی پر عملدرآمد کے سوا آپ کے پاس اب کوئی چارہ نہیں
