کابل(این این آئی)طالبان کے کنٹرول کے بعد افغانستان کے کئی شہروں میں صورت حال معمول پر آنے لگی۔میڈیارپورٹس کے مطابق افغانستان میں طالبان کے کنٹرول کے بعد شہریوں نے ملک میں مہنگائی بڑھنے کا شکوہ کیا ۔رپورٹس کے مطابق ہرات میں بچیوں نے اسکول جانا بھی شروع کردیا ہے۔ادھر کابل میں بیوٹی پارلرز کے باہر لگی خواتین کی تصاویر پر اسپرے کردیا گیا۔واضح رہے کہ ناظرین کو پل پل بدلتی صورت حال سے لمحہ بہ لمحہ اپ ڈیٹ رکھنے کے لیے جیو نیوز کی 2 ٹیمیں افغانستان میں موجود ہیں۔
