اسلام آباد (این این آئی)وزیر اعظم آزاد جموں وکشمیر سردار عبدالقیوم خان نیازی نے وفاقی وزیر برائے نیشنل فوڈ سیکورٹی اینڈ ریسر چ سید فخر امام سے ملاقات کی جس میں کشمیر کی صورتحال سمیت مختلف امورپر تبادلہ خیال کیا گیا ۔ ملاقات میں گفتگو کرتے ہوئے فخر امام نے کہاکہ آزاد جموں وکشمیر میں زرعی ریفارمز سے معیشت کو فروغ ملے گا۔ وفاقی وزیر نے کہا کہ برآمدات کا فروغ ملکی معیشت کیلئے ضروری ہے اوراس حوالے سے زرعی شعبہ کاکرداراہم ہے۔ انہوں نے کہا کہ فی ایکڑ پیداوار میں کمی کی وجہ ماضی میں تحقیق کے شعبہ کو نظرانداز کرنا ہے۔وفاقی وزیر نے کہا کہ لانگ ٹرم پلیننگ سے آزاد جموں وکشمیر میں معیشت کو فروغ ملے گا۔ وفاقی وزیر نے کہاکہ آزاد جموں وکشمیر میں ہاء ویلیو اگریکلچر پراڈکٹس کی بہت پوٹنشل ہے۔ ایک نئی اگریکلچر پالیسی بناء جائے گی تاکہ آزاد جموں وکشمیر کی ۔ وزیر اعظم آزاد کشمیر نے کہاکہ معیشت کو بہتر بنایا جا سکے۔ وزیر عظم آزاد جموں وکشمیر سردار عبدالقیوم خان نیازی نے کہاکہ اگریکلچر پالیسی وفاقی وزارت برائے نیشنل فوڈ سیکورٹی اینڈ ریسر چ کے ساتھ مل کر بناء جائے گی۔
