اسلام آباد (این این ائی)وفاقی وزیر برائے اطلاعات و نشریات چوہدری فواد حسین نے کہا ہے کہ شہباز شریف لاکھوں لوگوں کا اسلام آباد میں اجتماع کرنے کی بجائے اپنے بھائی کو برطانیہ سے وطن واپس بلائیں،جس طرح وہ عالمی طاقتوں کی خوشنودی حاصل کرنا چاہتے ہیں وہ باعث شرم ہے،پوری دنیا کی توجہ اس وقت افغانستان پر ہے جبکہ مسلم لیگ ن نے اس بارے میں ایک لفظ نہیں کہا۔ پیر کو شہباز شریف کی پریس کانفرنس پر ردعمل ظاہر کرتے ہوئے انہوں نے کہا کہ شہباز شریف نے قائد اعظم محمد علی جناح کے مزار پر مضحکہ خیز پریس کانفرنس کی ،انہیں مشورہ ہے کہ اگر ہنسی مذاق کے موڈ میں ہوں تو ایسی جگہ پر نہ جائیں بلکہ اپنی رہائش گاہ پر ایسی پریس کانفرنس کریں۔چوہدری فواد حسین نے کہا کہ وہ لاکھوں لوگوں کا اسلام آباد میں اجتماع کرنیکی بجائے اپنے بھائی کو برطانیہ سے وطن واپس بلائیں،شہباز شریف کے بھائی وطن واپس آکر اپنے خلاف مقدمات کا سامنا کریں،انہوں نے اپنے نواسے کی شادی پر ایک ملین ڈالر خرچ کئیاوررات کو شہباز شریف اور نوازشریف نے پاکستانی عوام کے لئے مہنگائی پر ٹسوے بہائے،اس سے ثابت ہوتا ہے کہ وہ پاکستان کے مسائل کے بارے میں سنجیدہ نہیں ہیں
