اسلام آباد (این این آئی)وزارت نجکاری نے 12 ملکی رئیل اسٹیٹ ڈویلپرز کو جناح کنونشن سینٹر کی نجکاری کیلئے پری کوالیفائی کر لیا ۔وزیر نجکاری نے کہاکہ جناح کنونشن سنٹر کی نجکاری حکومت کی جانب سے ایک بہترین اور نمایاں نجکاری ثابت ہو گی ، کابینہ کے فیصلے کے پیش نظر سرمایہ کار جناح کنونشن سنٹر کا مکس استعمال عمل میں لاسکیں گے ۔ محمد میاں سومرو نے کہاکہ جناح کنونشن سنٹر کی مجوزہ نجکاری میں سرمایہ کاروں کی دلچسپی نہایت حوصلہ افزا ہے ، سرمایہ کار تعمیراتی شعبے میں خاص طور پر حکومتی پالیسیوں پر اعتماد کا اظہار کر رہے ہیں ۔
