نئی دہلی (این این آئی)بھارتی حکام نے کہا ہے کہ راستہ بھٹک کر غلطی سے سرحد پار کر کے انڈیا داخل ہونے والے ایک چینی فوجی کو انھوں نے واپس چین بھیج دیا ہے۔میڈیارپورٹس کے مطابق بھارتی حکام نے بتایاکہ شمالی خطے لداخ کے دیمچوک علاقے میں چینی فوج کا ایک سپاہی بھٹک کر آ گیا تھا۔ حکام نے کہا کہ اسے چکر آ رہے تھے اور وہ بیمار لگ رہا تھا۔ انڈین فوجیوں نے اسے آکسیجن فراہم کی اور طبی امداد دی۔انڈین فوج نے کہا کہ انھوں نے پروٹوکول کے تحت چینی فوجی واپس کر دیا۔یہ پہلا موقع نہیں ہے کہ اس طرح کسی نے سرحد پار کر لی ہو۔ ستمبر میں چین نے بھارت کے پانچ شہری واپس کر دیے تھے جو اسی طرح غلطی سے سرحد پار کر بیٹھے تھے۔بھارت نے کہا کہ وہ پانچوں شکاری تھے اور انھیں سرحد پار کرنے کا اندازہ نہیں ہوا تھا۔
