سرینگر(این این آئی) غیر قانونی طور پر بھارت کے زیر قبضہ جموں و کشمیرمیںسابق وزیر اعلیٰ اور جموں و کشمیر پیپلز ڈیموکریٹک پارٹی کی صدر محبوبہ مفتی نے کہاہے کہ قابض انتظامیہ نے انہیں آج گھر میں نظر بند کر دیا ہے۔کشمیر میڈیا سروس کے مطابق محبوبہ مفتی نے ایک ٹویٹ میں دانستہ طورپر کشمیریوں کے حق سلب کرنے پر بھارتی حکومت کو کڑی تنقید کا نشانہ بنایا ۔ انہوںنے کہاکہ بھارتی حکومت افغان لوگوں کے حقوق کیلئے توتشویش کا اظہار کررہی ہے لیکن وہ دانستہ طورپر کشمیریوںکو ان کے بنیادی حقوق سے محروم رکھ ر ہی ہے۔ انہوںنے کہاکہ انہیں آج گھر میں نظربند کردیاگیا ہے کیونکہ انتظامیہ کے مطابق مقبوضہ علاقے کی صورتحال ابتر ہے جس سے جموں وکشمیر کی صورتحال کے معمول پر ہونے کے مودی حکومت کے دعوئوں کی قلعی کھل گئی ہے۔
