ریاض (این این آئی)سعودی عرب کے ولی عہد شہزادہ محمد بن سلمان نے ابوظہبی کے ولی عہد شیخ محمد بن زاید آل نہیان سے ٹیلی فون پر دو طرفہ تعلقات کو مضبوط بنانے اورعلاقائی صورت حال سے متعلق امور پر تبادلہ خیال کیا ہے۔یو اے ای کی سرکاری خبررساں ایجنسی کے مطابق سعودی ولی عہد اور شیخ محمد نے دونوں برادرممالک کے درمیان تزویراتی شراکت دارء کو مزید مستحکم بنانے کے امکانات پر گفتگو کی ۔انھوں نے خطے میں رونما ہونے والے تازہ واقعات پر خیالات کا تبادلہ کیا اورمشترکہ دلچسپی کے دیگرامور پر بات چیت کی ۔
