واشنگٹن(این این آئی)امریکا میں 11 ستمبر کو ورلڈ ٹریڈ سینٹر پر حملوں کو پورے 20 برس گزر جانے پر امریکی خلائی ایجنسی ناسانے ایک نادر نوعیت کی تصویر جاری کی ہے۔ تصویر میں حملے کے نتیجے میں اٹھنے والے دھوئیں کی بھاری مقدار ظاہر ہو رہی ہے۔میڈیارپورٹس کے مطابق ایجنسی کی جانب سے نیویارک شہر میں ان حملوں کی جاری کی گئی تصویر خلا میں موجود ایجنسی کے ایک خلانورد نے لی تھی۔ ناسا کی ٹویٹ میں بتایا گیا کہ خلانورد فرینک کول بیرٹسن سال 2001 میں بین الاقوامی خلائی اسٹیشن میں تھا اور اس نے خلا سے ان حملوں کا مشاہدہ کیا۔
