عوام پر مسلط کردہ موجودہ حکومت کچھ دینے کے بجائے ان سے چھین ہی رہی ہے’حمزہ شہباز

0
39

لاہور(این این آئی) پنجاب اسمبلی میں قائد حزب اختلاف حمزہ شہباز نے کہاہے کہ یوم جمہوریت پر جمہوری اقدار اور قدروں آئین و قانون کی حکمرانی اور پارلیمنٹ کی تکریم کے لئے جدوجہد کرنے والوں کو سلام پیش کرتا ہوں۔ جمہوریت صرف ایک نظام حکومت نہیں بلکہ لوگوں کے بنیادی حقوق کی ضمانت اور انکی خوشحالی کا راستہ بھی ہے۔ افسوس کے اس وقت ملک میں جمہوری اقدار اور آزادیاں خطرے سے دوچار ہیں۔ عالمی یوم جمہوریت پر حمزہ شہباز نے اپنے پیغام میں کہاکہ پارلیمنٹ کو بے توقیر کر کے قانون سازی صدارتی آرڈیننس کے زریعے کی جا رہی ہیں حکومت اپنے تین سالہ دور میں 58 سے زائد آرڈیننس جاری کر چکی ہے۔ عوام پر مسلط کردہ موجودہ حکومت کچھ دینے کے بجائے ان سے چھین ہی رہی ہے۔ملک کے تمام طبقات بشمول صحافی اور ڈاکٹرز اس حکومت سے تنگ آ چکے ہیں اور سراپا احتجاج ہیں۔ مہنگائی کا جن بے قابو ہو چکا ہے 13 فیصد سے زائد مہنگائی نے عوام کو روٹی روٹی کا محتاج کر دیا ہے۔حکومت کا رویہ جمہوری کہ بجائے آمرانہ ہے یہ فسطائی سوچ کی نشانی ہے۔ یوم جمہوریت پر اس بات کا اعادہ کرنے کی ضرورت ہے کہ ملک میں اصل جمہوریت جس کا مقصد عوامی فلاح ہو اس کے لئے جدوجہد کرتے رہیں گے۔