لاہور( این این آئی)نامور اداکارہ صوفیہ احمد نے کہا ہے کہ مجھے اپنی فٹنس کی سب سے زیادہ فکر ہوتی ہے اوراس کیلئے میں ہر طرح کے جتن کرتی ہوں،ویسے بھی امریکہ میں اس طرح کا معمول ہے کہ آپ اپنے گھر میں ملازم نہیں رکھتے اوراپنے ہاتھوں سے سارا کام کرتے ہیں ۔امریکہ سے ٹیلیفون پر خصوصی گفتگو کرتے ہوئے صوفیہ احمد نے کہا کہ میں امریکہ میں ملازمت بھی کرتی ہوںاور گھر کے معاملات بھی دیکھتی ہوں لیکن اس کے باوجود خود کو جسمانی طو رپر فٹ رکھنے کے لئے ایکسر سائز کے ساتھ واک لازمی کرتی ہوں۔امریکہ میں میرے والد اور میرا بیٹا میرے ساتھ ہیںاورمجھے ان دونوںکی دیکھ بھال بھی کرنا پڑتی ہے ۔انہوں نے کہا کہ میںخوش قسمت ہوں کہ مجھے اپنے والد کی دعائیںملتی ہیں اوران کی دعائوں کی بدولت مجھے زندگی کے ہر میدان میں کامیابی ملی ہے۔
