کابل(این این آئی)افغانستان میں طالبان کی جانب سے اقتدار سنبھالنے کے بعد افیون کی کاشت کے خلاف کارروائیاں تیز کردی گئیں۔ افغانستان میں افیون کی قیمتیں 3 گنا تک بڑھ گئی ہیں۔میڈیارپورٹس کے مطابق دوسری جانب بڑھتی کارروائی کے پیش نظر قندھار میں افیون کیکاشت کار پریشان نظر آتے ہیں ۔ مزید برآں منشیات کے اسمگلرز کو افیون خریدنے کیلئے 3 گنا قیمت ادا کرنی پڑ رہی ہے۔ اسمگلرز کا کہنا تھا کہ ان کے پاس مہنگی افیون خریدنے کے علاوہ کوئی راستہ نہیں ہے۔
