اسلام آباد (این این آئی)عمران خان اورفوادچوھدری کے انتخابی اصلاحات اور ای وی ایم کے حوالے سے بیان پرترجمان پی ڈی ایم حافظ حمداللہ نے کہا ہے کہ پی ڈی ایم حکومت کی مجوزہ انتخابی اصلاحات بشمول ای وی ایم مستردکرچکی ہے۔ اپنے بیان میں حافظ حمد اللہ نے کہاکہ یہ پی ڈی ایم کے اجلاسوں کامتفقہ اصولی فیصلہ ہے، انتخابی اصلاحات اور ای وی ایم کے لئیے حکومت کے ساتھ پارلیمنٹ اور پارلیمنٹ سے باہرکسی بھی صورت میں نہیں بیٹھیں گے۔ انہوںنے کہاکہ جوحکومت ناجائز اوردھاندلی کی پیداور ھو ان کوانتخابی اصلاحات کرنے کاکوئی جوازنہیں ہے،الیکشن کمیشن بھی حکومتی انتخابی اصلاحات بشمول ای وی ایم پر37 اعتراضات اٹھاکرمستردکرچکی ہے۔انہوںنے کہاکہ دراصل ای وی ایم۔آر ٹی ایس کا،،ریپلے،،ہے اورآنے والیالیکشن کوچوری کرنے کا حکومتی منصوبہ ہے، پی ٹی آئی کویقین ہے کہ آنے والے الیکشن اگرصاف اورشفاف ھوئے توعوام ہمیں مسترد کریگی ،اس لئے ای وی ایم مسلط کرنے پربضد ہے۔
