اسلام آباد (این این آئی) پاکستان پیپلز پارٹی کے سیکرٹری جنرل نیئر حسین نے کہا ہے کہ بیگم نصرت بھٹو آئین شکنوں اور جمہوریت دشمنوں کے خلاف میدان عمل میں نکلیں تھیں۔ جمعہ کو سیکرٹری جنرل پاکستان پیپلز پارٹی سید نیر حسین بخاری نے مادر جمہوریت بیگم نصرت بھٹو کے یوم وفات پراپنے پیغام میں کہاکہ مادر جمہوریت بیگم نصرت بھٹو نے سیاہ دور میں جمہوریت کی شمع روشن رکھی۔ انہوںنے کہاکہ بیگم نصرت بھٹو نے قومی جمہوری رہنما کے طور پرتحریک بحالی جمہوریت کی قیادت کی، نیر بخاری نے کہاکہ جمہوریت کے لئے سب سے زیادہ قربانیاں بھٹو خاندان اور پیپلزپارٹی نے دی ہیں،انہوںنے کہاکہ ہم آئین کی بالادستی اور پارلیمنٹ کی عزت و توقیر کے مشن پر قائم رہنے کا عہد کرتے ہیں۔ انہوںنے کہاکہ بیگم نصرت بھٹو آئین شکنوں اور جمہوریت دشمنوں کے خلاف میدان عمل میں نکلیں تھیں، بیگم نصرت بھٹو نے جمہوریت پر شبخون نامنظور کا نعرہ بلند رکھا،مادر جمہوریت نے غاصب ٹولے کے خلاف جمہوری قوتوں کو یکجا کیا ۔ انہوںنے کہاکہ بیگم نصرت بھٹو کو دلیرانہ جدوجہد پر مادر جمہوریت کے خطاب سے نوازاگیا
