اسلام آباد (این این آئی)ملک بھر میں کرونا کے مزید 13 افراد چل بسے ،736نئے کیسز رپورٹ ہوئے ۔ جمعہ کو نیشنل کمانڈ اینڈ آپریشن سنٹرکے تازہ اعداد و شمار جاری کر دیئے جس کے مطابق گذشتہ 24 گھنٹوں میں 13 افراد جان کی بازی ہار گئے ۔ این سی اوسی کے مطابق گذشتہ 24 گھنٹوں میں 736 نئے کیسزرپورٹ ہوئے،ملک بھر میں ایکٹیو کیسوں کی تعداد 9855 ہے۔ این سی اوسی کے مطابق ملک بھرمیں مجموعی کیسز 3 لاکھ 26 ہزار 216 ہوگئی، کورونا سے اموات کی مجموعی تعداد 6ہزار 715 ہوگئی،صحتیاب ہونے والوں کی تعداد 3 لاکھ 9 ہزار 646 ہوگئی ۔ این سی اوسی کے مطابق گزشتہ 24 گھنٹوں میں 27 ہزار 050 ٹیسٹ کیے گئے، سندھ میں مریضوں کی تعداد 1لاکھ 42 ہزار 917 ہوگئی۔این سی اوسی کے مطابق پنجاب میں 1لاکھ 2 ہزار 253 اورخیبرپختونخواہ 38 ہزار 886 تعداد ہے ، اسلام آباد میں 18 ہزار 578 اوربلوچستان میں 15ہزار 767 تعداد ہے ۔ نیشنل کمانڈ سینٹر کے مطابق آزاد کشمیر3ہزار 688 اورگلگت میں 4127 تعداد ہوگئی۔
