اسلام آباد (این این آئی)نیب آرڈیننس کا اجرا کے معاملے پر اپوزیشن نے قومی اسمبلی کا اجلاس بلانے کے لیے ریکوزیشن جمع کرادی۔ جمعرات کو جمع کرائی گئی ریکوزیشن میں مشترکہ اپوزیشن نے نیب آرڈیننس پر قومی اسمبلی کا اجلاس بلانے کا مطالبہ کیا اور موقف اختیار کیا کہ اجلاس میں نیب آرڈیننس کو زیر بحث لایا جائے۔ اپوزیشن نے کہاکہ اجلاس میں حکومت کی جانب سے چیئرمین نیب کی تقرری پر مشاورت نہ کرنے کو زیر بحث لایاجائے۔مشترکہ اپوزیشن جماعتوں نے نیب آرڈیننس پر قومی اسمبلی کا اجلاس بلانے کا مطالبہ کردیا،قومی اسمبلی اجلاس بلانے کے لیے اپوزیشن کے 156 ارکان کے ریکوزیشن پر دستخط ہیں
