اسلام آباد (این این آئی)پاکستان مسلم لیگ (ن) کی قومی اسمبلی میں پارلیمانی پارٹی کے مشترکہ اجلاس میں منظور کردہ قرارداد میں بد ترین مہنگائی ، معیشت کی تباہی ، اشیائے ضروریہ کی قیمتوں میں بے تحاشا اضافہ ، مریم نواز کے ساتھ کراچی واقعہ اور شہباز شریف کی گرفتاری کی کی مذمت کرتے ہوئے کہا گیا ہے کہ کیپٹن صدر کے خلاف پرچے کا اندراج اور پولیس کارروائی کرانا کھلی ریاستی دہشت گردی اور آئین وقانون کا قتل ہے،واقعہ پر مریم نواز سمیت قوم کی بہنوں ، بیٹیوں اور مائوں سے معافی مانگی جائے ،موجودہ صورتحال میں سلیکٹڈ حکومت کا جاری رہنا ملک اور قوم کے مفاد میں نہیں ، نوازشریف کی قیادت میں ووٹ کی حرمت کی بحالی، آئین، قانون اور پارلیمان کی بالادستی کیلئے پی ڈی ایم کی تاریخی جدوجہد کی کامیابی میں اپنے بھرپور کردار ادا کریں گے ۔ جمعہ کو پاکستان مسلم لیگ (ن) کی قومی اسمبلی کے ارکان پر مشتمل پارلیمانی پارٹی کا یہ اجلاس ملک میں بدترین مہنگائی، بے روزگاری، معیشت کی تباہی، بجلی، گیس، خوراک سمیت اشیائے ضروریہ کی قیمتوں میں ہوشربا اضافے کی شدید ترین الفاظ میں مذمت کرتا ہے
