بھوپال(این این آئی)بھارتی ریاست مدھیہ پردیش میں مسلمان خاندان کو ہندو اکثریتی گاوں نہ چھوڑنے پر ہندو انتہا پسندوں نے تشدد کا نشانہ بنایا۔میڈیارپورٹس کے مطابق تشدد کا نشانہ بننے والے مسلم خاندان نے بتایا کہ ان پر انتہا پسندوں کے ہجوم نے 9 اکتوبر کی رات کو حملہ کیا۔ان کا کہنا تھا کہ حملے کی وجہ ان کا ہندو اکثریتی گائوں پیوڈے نہ چھوڑنا تھی۔پولیس سپرنٹنڈنٹ مہیش چندر جین نے مسلمان خاندان کے الزامات کو رد کرتے ہوئے کہا کہ گاوں میں ہونے والے جھگڑے میں 7 افراد کو معمولی چوٹیں آئی ہیں۔انہوں نے یہ بھی بتایا کہ زخمی ہونے والوں میں ایک مسلم خاندان کے 5 افراد اور 2 ہندو بھی شامل ہیں۔
