برسلز(این این آئی )یورپی مبصر مشن کے سربراہ نے کہا ہے کہ عراق میں ہونے والے پارلیمانی انتخابات اچھی طرح منظم تھے۔ انتخابات کے دوران اظہار رائے کی آزادی کا احترام کیا گیا۔ عراقی نیوز ایجنسی نے یورپی مبصر مشن کی سربراہ ویولا وون کرامون کا ایک بیان نقل کیا جس میں بتایا گیا کہ عراقی انتخابات اچھی طرح سے منظم تھے اور پولنگ کا دن پرامن رہا۔ انہوں نے اس بات پر زور دیا کہ ووٹروں نے آسانی سے اپنا ووٹ کاسٹ کیا۔ ان کا کہنا تھا کہ یورپی یونین کے 59 سفارتکاروں کے علاوہ 100 سے زیادہ مبصرین کے ذریعے انتخابی عمل کی نگرانی کی گئی۔ کرامون نے مزید کہا کہ انتخابات کے دوران اظہار رائے کی آزادی کا احترام کیا گیا۔ انہوں نے کہا کہ انتخابی عمل کی جائزہ رپورٹ نئے ایوان نمائندگان کوپیش کی جائے گی۔ادھر عراق کے الیکشن کمیشن نے پولنگ سے متعلق ہونے والے اعتراضات اور اپیلیں وصول کرنا شروع کردی ہیں۔ اپیلیں تین روز تک وصول کی جائیں گی۔عراقی نیوز ایجنسی نے کابینہ سیکریٹریٹ کے حوالے سے بتایا کہ قانون ساز کونسل کے انتخابات میں 97 خواتین کی کامیابی کا اعلان کیا گیا۔ مذہبی لیڈر مقتدی الصدر کی جماعت نے سب سے زیادہ نشستیں حاصل کی ہیں اور ان کی اب تک کی جیتی گئی نشستوں کی تعداد 73 ہے۔تقدم بلاک نے 38 سیٹوں پرکامیابی کا دعوی کیا ہے جب کہ تیسرے نمبر پردول القانون 37 نشستوں پر کامیابی حاصل کی ہے۔الفتح اتحاد انتخابات ہارگیا ہے اور اس نے الیکشن میں دھاندلی کا الزام عاید کرتے ہوئے الیکشن کمیشن سے رجوع کا فیصلہ کیا ہے۔الفتح کے مقرب ذرائع نے کہا کہ الیکٹورل کمیشن نے قانونی طریقہ کار کی پاسداری نہیں کی۔الفتح الائنس کی قیادت ہادی العمری کر رہے ہیں۔ اس میں وہ جماعتیں شامل ہیں جن کے مسلح دھڑے ہیں اور اس کا اثر جنوبی اور مرکزی گورنریوں علاوہ دارالحکومت بغداد میں بھی ہے۔ الفتح کے حامیوں کی بڑی تعداد دیالی ، صلاح الدین اور نینوی میں بھی موجود ہے۔
مقبول خبریں
آزاد کشمیر پر بھارتی رہنماؤں کے اشتعال انگیز دعوؤں میں تشویشناک اضافہ ، پاکستان...
اسلام آباد (این این آئی) ترجمان دفتر خارجہ نے کہا ہے کہ آزاد کشمیر پر بھارتی رہنماؤں کے اشتعال انگیز دعوؤں میں تشویشناک اضافہ...
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے...
اسلام آباد (این این آئی)وزیر داخلہ محسن نقوی نے اسلام آباد پولیس خدمت مرکز 24 گھنٹے کھلا رکھنے کا اعلان کردیا۔میڈیا سے گفتگو...
الیکشن کمیشن نے آزاد اراکین قومی اسمبلی کی سنی اتحاد کونسل میں شمولیت تسلیم...
اسلام آباد(این این آئی)الیکشن کمیشن نے پاکستان تحریک انصاف کے آزاد اراکین قومی اسمبلی کی سنی اتحاد کونسل میں شمولیت کو تسلیم کرلیا۔گزشتہ روز...
پنجاب میں رہنماں کے گھر چھاپے مارے جارہے ہیں، پولیس گردی ختم ہونی چاہیے،...
اسلام آباد (این این آئی)قائد حزب اختلاف عمر ایوب نے کہا ہے کہ رات سے ہمارے رہنماں کے گھر چھاپے مارے جارہے ہیں، ہم...
وزیر اعظم 28 اپریل ورلڈ اکنامک فورم میں شرکت کیلئے سعودی عرب روانہ ہوں...
اسلام آباد (این این آئی)وزیر اعظم شہباز شریف ورلڈ اکنامک فورم کے اجلاس میں شرکت کیلئے 28 اپریل کو سعودی عرب روانہ ہوں گے۔ترجمان...