خرطوم (این این آئی )سوڈانی فوج کے ایک جنرل حنفی عبداللہ نے کہاہے کہ گرفتاریاں ملک میں جمہوریت کا راستہ درست کرنے کے لیے عمل میں آئیں۔میڈیارپورٹس کے مطابق یہ بیان عبداللہ حمدوک کی حکومت کے گرفتار وزرا اور ذمے داران کی فہرست میں اضافے کے بعد سامنے آیا ۔ انٹرویو میں حنفی نے باور کرایا کہ ایک سویلین حکومت تشکیل دی جائے گی جس میں آزاد اور شفاف اہلیت کے حامل افراد شامل ہوں گے۔ انہوں نے مزید بتایا کہ عسکری اقدامات اور گرفتاریوں میں ان لوگوں کو نشانہ بنایا گیا جو آئینی دستاویز پر عمل درامد میں رکاوٹ بن رہے تھے۔
