اسلام آباد (این این آئی)صدر مملکت ڈاکٹر عارف علوی نے کہا ہے کہ ستر برس سے کشمیر میں ظلم و بربریت کا خاتمہ نہیں ہورہا،دنیا نے اپنی آنکھیں بند کررکھی ہے،کشمیری عوام بھارتی مظالم کا ڈٹ کر مقابلہ کررہے ہیں، ہم کشمیریوں کے ساتھ ہیں ،ہم ہر فورم پر کشمیر کا مقدمہ لڑرہے ہیں، انشاء اللہ جلد کشمیر آزاد ہوگا،ہندوستان کو متنبہ کرتا ہوں کشمیر میں مظالم بند کردوورنہ تم خود تباہ ہوجائو گے۔بھارتی بربریت کے خلاف وزارت خارجہ کی جانب سے ریلی نکالی گئی جس میں صدر مملکت ڈاکٹر عارف علوی نے خصوصی شرکت کی ،اس موقع پر ایک منٹ کی خاموشی اختیار کر کے سائرن بجایا گیا۔بھارت کے خلاف کشمیریوں کے یوم سیاہ کے موقع پر وزارت خارجہ سے ڈی چوک تک ریلی کی قیادت سیکرٹری خارجہ سہیل محمود نے کی۔ریلی میں سپیکر قومی اسمبلی سمیت ممبران قومی اسمبلی اور شہریوں کی بڑی تعداد نے شرکت کی۔ صدر مملکت ڈاکٹر عارف علوی نے ریلی سے خطاب کرتے ہوئے کہا کہ آج وہ تکلیف دہ دن ہے جس دن کشمیر مین بھارت نے اپنی فوجیں اتاریں،ستر برس گزرچکے کشمیر میں ظلم و بربریت کا خاتمہ نہیں ہورہاہے،دنیا نے کشمیر پر اپنی آنکھیں بند کررکھی ہے،کشمیر میں ہزاروں شہید ہوچکے، ہزاروں نابینا و معذور ہوچکے۔ انہوں نے کہا کہ حریت قیادت جیلوں میں قید ہیں،آج ہمیں سید علی گیلانی یاد آرہا ہے جس نے کہا کہ ہم پاکستانی ہیں، پاکستان ہمارا ہے۔صدر مملکت نے کہا کہ کشمیری عوام بھارتی مظالم کا ڈٹ کر مقابلہ کررہے ہیں،بھارت کشمیر میں آبادی کا تناسب بدلنا چاہ رہا ہے۔انہوں نے کہاکہ ہم کشمیریوں کے ساتھ ہیں ،ہم ہر فورم پر کشمیر کا مقدمہ لڑرہے ہیں۔ڈاکٹر عارف علوی نے کاکہ ہندوستان کو شرم نہیں آتی کہ ایک میچ ہارنے پر کشمیریوں پر ظلم کررہا ہے،ہم دنیا کو یاد دلاتے ہیں کہ جو وعدہ تم نے کشمیریوں سے کیا تھا اسے پورا کرو۔انہو ں نے کہا کہ کشمیری عوام سے وعدہ ہے کہ ہم آپ کے ساتھ ہیں انشاء اللہ جلد کشمیر آزاد ہوگا۔انہوں نے کہاکہ تقسیم ہند کے فارمولا کے تحت کشمیر پاکستان کا حصہ ہے۔صدر نے کہاکہ اب ہندوستان کشمیر میں نسل کشی کررہا ہے،ہندوستان میں اقلیت کو ظلم و جبر کا نشانہ بنا رہا ہے،انشاء اللہ کشمیر بنے گا پاکستان،کشمیر جلد آزاد ہوگا۔انہوں نے کہاکہ ہندوستان کو متنبہ کرتا ہوں کہ کشمیر میں مظالم بند کردوورنہ تم خود تباہ ہوجائو گے۔انہوں نے کہاکہ ہم کشمیریوں کی قربانیوں کو خراج تحسین و عقیدت پیش کرتے ہیں۔
مقبول خبریں
چین کے وزیرِ اعظم لی چیانگ پاکستان کے چار روز ہ دورے پر اسلام...
اسلام آباد (این این آئی)چین کے وزیرِ اعظم لی چیانگ پاکستان کے چار روز ہ دورے پر پیر کواسلام آباد پہنچ گئے۔ وزیراعظم محمد...
پی ٹی آئی عمران خان سے سیاسی ملاقات کیلئے بلیک میل کررہی ہے’ خواجہ...
اسلام آباد(این این آئی)پاکستان مسلم لیگ ن کے رہنما اور وزیر دفاع خواجہ آصف کا کہنا ہے کہ پی ٹی آئی عمران خان سے...
اسرائیل ایران میں فوجی ڈھانچے یا توانائی کی تنصیبات کو نشانہ بنا سکتا ہے،امریکی...
واشنگٹن (این این آئی)امریکی حکام کا خیال ہے کہ اسرائیل نے حالیہ ایرانی حملے کے جواب دینے کے لیے ایران کے فوجی اور توانائی...
سعودی عرب کی انروا کے زیر استعمال اراضی ضبط کرنے کی سخت الفاظ میں...
ریاض (این این آئی)سعودی عرب کی وزارت خارجہ نے اسرائیلی حکام کی جانب سے مقبوضہ بیت المقدس میں اقوام متحدہ کی ریلیف اینڈ ورکس...
فرانسیسی صدر کا ایرانی ہم منصب سے ٹیلیفون پر رابطہ
پیرس (این این آئی)مشرق وسطی کی کشیدہ صورتحال پر فرانسیسی صدر ایمانویل میکرون نے ایران کے صدر مسعود پزشکیان سے ٹیلیفون پر رابطہ کیا...