اسلام آباد (این این آئی)معروف عالم دین مفتی تقی عثمانی نے کالعدم تنظیم کے دھرنوں پر ردعمل دیتے ہوئے حکومت کو مشورہ دیتے ہوئے کہا ہے کہ حکومت طاقت کے استعمال کے بجائے تدبر سے کام لیتے ہوئے معاملہ پارلیمنٹ میں پیش کرے۔انہوں نے سوشل میڈیا پر جاری بیان میں کہا کہ ملک میں بدامنی کی فضا بہت تشویشناک ہے حکومت طاقت کے استعمال کے بجائے تدبر سے کام لیتے ہوئے معاملہ پارلیمنٹ میں پیش کرے۔مفتی تقی عثمانی نے کہا کہ احتجاج کرنے والے تشدد اور قومی املاک کو نقصان پہنچانیکے بجائے پْرامن راستے اختیار کریں۔انہوں نے کہا کہ فریقین پر لازم ہے کہ گستاخوں کے بجائے اپنا گھر تباہ کرنے سے پرہیز کریں۔
