صنعائ(این این آئی)عرب اتحاد کے لڑاکا طیاروں نے یمن کے تزویراتی اہمیت کے حامل شہرمآرب کے نواحی علاقوں میں حوثی ملیشیا کے خلاف فضائی حملے جاری رکھے ہوئے ہیں اور گذشتہ 24 گھنٹے کے دوران میں فضائی بمباری کے نتیجے میں 115 حوثی جنگجو ہلاک ہوگئے ۔میڈیارپورٹس کے مطابق ایران کی حمایت یافتہ حوثی ملیشیا نے حالیہ ہفتوں کے دوران میں عرب اتحاد کے فضائی حملوں میں اپنے بھاری جانی نقصان کے بارے میں کوئی بیان جاری نہیں کیا اور اس نے ماضی کی روایت کو برقرار رکھتے ہوئے خاموشی اختیارکررکھی ہے۔عرب اتحاد نے ایک بیان میں کہاکہ لڑاکا طیاروں نے مآرب شہر کے جنوب میں 50 کلومیٹر دور واقع قصبے الجوبہ میں حوثی ملیشیا کی گاڑیوں اور ٹھکانوں کو نشانہ بنایا ہے۔اس کے علاوہ شہر سے 30 کلومیٹرشمال مغرب میں واقع قصبے الکسارا میں بھی فضائی حملے کیے ہیں جن کے نتیجے میں حوثی ملیشیا کے 115جنگجومارے گئے ہیں اور ان کی 14 گاڑیاں تباہ ہوگئی ہیں۔
